ព្រះយាងមកជំនុំជំរះផែនដីទំនុកដំកើង។
ទំនុក។
១ ចូរច្រៀងបទថ្មីថ្វាយព្រះយេហូវ៉ា
ពីព្រោះទ្រង់បានធ្វើការយ៉ាងអស្ចារ្យ
ព្រះហស្តស្តាំ និងព្រះពាហុដ៏បរិសុទ្ធរបស់ទ្រង់
បាននាំឲ្យទ្រង់មានជ័យជំនះ
២ ព្រះយេហូវ៉ាទ្រង់បានសំដែងឲ្យស្គាល់សេចក្តីសង្គ្រោះ
របស់ទ្រង់
ទ្រង់ធ្វើឲ្យសេចក្តីសុចរិតរបស់ទ្រង់បានប្រាកដច្បាស់
នៅចំពោះភ្នែកនៃអស់ទាំងសាសន៍
៣ ទ្រង់បាននឹកចាំពីសេចក្តីសប្បុរស និងសេចក្តីស្មោះត្រង់
របស់ទ្រង់ ចំពោះវង្សអ៊ីស្រាអែលហើយ
អស់ទាំងចុងផែនដីបានឃើញសេចក្តីសង្គ្រោះរបស់ព្រះ
នៃយើងខ្ញុំ
៤ ចូរឡើងសំឡេងដោយអំណរថ្វាយព្រះយេហូវ៉ា
ឱផែនដីទាំងមូលអើយ
ចូរទំលាយច្រៀងដោយអំណរ អើ ចូរច្រៀងសរសើរចុះ
៥ ចូរច្រៀងបទសរសើរថ្វាយព្រះយេហូវ៉ាតាមស៊ុង
គឺដោយចាប់ស៊ុង ហើយដោយសំឡេងដ៏ពីរោះ
៦ ដោយត្រែ និងសូរស្នែងផង
ចូរឡើងសំឡេងដោយអំណរ
នៅចំពោះព្រះយេហូវ៉ាដ៏ជាមហាក្សត្រ
៧ ចូរឲ្យសមុទ្រលាន់ឮរំពង
ព្រមទាំងរបស់សព្វសារពើដែលនៅក្នុងនោះ
ហើយលោកីយ៍ និងអស់អ្នកដែលនៅលោកីយ៍ផង
៨ ចូរឲ្យអស់ទាំងទន្លេទះដៃ
ហើយឲ្យភ្នំទាំងប៉ុន្មានច្រៀងជាមួយគ្នាដោយអំណរ
៩ គឺនៅចំពោះព្រះយេហូវ៉ា ដ្បិតទ្រង់យាងមក
ដើម្បីជំនុំជំរះផែនដី
ទ្រង់នឹងជំនុំជំរះលោកីយ៍ ដោយសេចក្តីសុចរិត
ហើយអស់ទាំងសាសន៍ ដោយសេចក្តីទៀងត្រង់។