ដូចទឹកមានតួនាទីដ៏សំខាន់ដើម្បីផ្តល់ជីវិតដល់រូបកាយយើងយ៉ាងណា ជីវិតថ្មីដែលជាអំណោយទានរបស់ព្រះជាម្ចាស់រឹងរឹតតែមានសារសំខាន់ដល់យើងជាងនោះទៅទៀត។ ក្នុងអង្គព្រះយេស៊ូ ព្រះជាម្ចាស់ប្រទានជីវិតអស់កល្បជានិច្ចមកយើង។ ទឹករស់ ឬទឹកនៃជីវិតដែលព្រះអង្គប្រទានឲ្យ មិនមែនតែពីរបីដំណក់នោះទេ។ ព្រះអង្គប្រទានទន្លេជីវិតឲ្យហូរកាត់ជីវិតយើង ដើម្បីជាព្រះពរហូរស្រោចស្រពសង្គមដែលយើងរស់នៅ។